Qo‘qon shahar hokimi Marufjon Usmonov Qo‘qon shahar hokimligi va davlat idoralari mutasaddilari bilan muloqot qilib, davlat xizmatchisining ma’naviy qiyofasi, korporativ kiyinish madaniyati va odob-ahloq normalari xususida batafsil to‘xtalib o‘tdi. Muloqot chog‘ida, shuningdek fuqarolar murojaatlari bilan ishlash, aholining ijtimoiy muammolarini hal etish, maktablar davomati, oliy ta’limga kirish ko‘rsatkichlari, obodonlashtirish va ko‘kalamzorlashtirish, jamoat tartibini ta’minlash, bank, kredit, moliya kabi ko‘plab masalalar yuzasidan ham vazifalar belgilab berildi.