Dang‘ara tumani hokimi, tuman prokurori, tuman IIB boshlig‘i hamda tuman Xalq qabulxonasi mudiri ishtirokida Oqjar mahallasida sayyor qabul o‘tkazildi. Sayyor qabul davomida fuqarolarning ichimlik suvi, elektr ta’minoti, ichki yo‘llarni asfaltlash, tadbirkorlik uchun kredit olish, uy-joyni ta’mirlashda ko‘maklashish va boshqa masalalar bo‘yicha murojaatlari birma bir tinglandi. Barcha murojaatlar tegishli tartibda ro‘yxatga olinib, yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qoniqtirildi. Muddat talab etiluvchi murojaatlar esa hal etish uchun tegishli mutasaddilarga biriktirilib, nazoratga olindi.